Жалған ақпаратқа қарсы іс-қимыл орталығы — Қазақстан Республикасы Президентінің жанындағы Орталық коммуникациялар қызметінің жалған ақпаратты теріске шығару жөніндегі мемлекеттік органдардың жұмысын үйлестіретін құрылымдық бөлімшесі.
Азаматтардың шынайы ақпарат алу құқығын іске асыруға жәрдемдесу. Осы мақсатта Орталық ақпараттық процестерді талдайды, жалған ақпараттың таралу тетіктері мен көздерін анықтайды, сондай-ақ мемлекеттік органдармен бірлесіп теріске шығаруларды дайындауды және таратуды қамтамасыз етеді.
Орталықтың негізгі мақсаты — нақты мән-жайларды белгілеу және қоғамға ашық әрі ресми дереккөздерге негізделген объективті мәліметтер ұсыну.
Сондай-ақ Орталық азаматтардың ақпараттық сауаттылығын арттыруға, медиаконтентті сыни тұрғыдан қабылдау дағдыларын дамытуға және ақпаратты жауапкершілікпен тұтыну мәдениетін қалыптастыруға ықпал етеді.
Орталық жекелеген фейктерді тіркеумен ғана шектелмейді. Басты назар ақпараттың дереккөзі мен таралу тетігін анықтауға, қолданылған манипуляциялық тәсілдерді талдауға және пайдаланушыға тексерілген фактілерді ұсынуға аударылады.
Жұмыста ақпаратты бастапқы тексеруден өткізуге мүмкіндік беретін ашық ресми дереккөздер, мемлекеттік органдардың деректері және басқа да қолжетімді мәліметтер пайдаланылады.
JAQ.ORTCOM — Орталықтың Қазақстан Республикасының медиакеңістігінде таратылатын ақпаратты бастапқы тексеруге арналған цифрлық сервисі. Сервис фактілер туралы алғашқы түсінік қалыптастыруға көмектеседі және қоғамдық маңызы бар мәселелер бойынша анық мәліметтерді іздеуді жеңілдетеді.
Ақпарат жедел таралатын жағдайда жалған хабарламаларға уақтылы ден қою ғана емес, азаматтарға фактілерді болжамдардан, бұрмалаулардан және манипуляциялардан өз бетінше ажыратуға көмектесу де маңызды.
Орталық тексерілген ақпаратты түсінікті, қолжетімді және уақтылы етуге ұмтылады — әр адам фактілерге сүйеніп шешім қабылдай алуы үшін.
Күмән тудыратын материалға тап болдыңыз ба? Жалған ақпаратқа қарсы іс-қимыл орталығына хабарлаңыз.
Форманы толтыру Telegram-ға жазу ↗