Не анықталды
Қазақстанда «сәтсіз инъекциялардан» кейін қызылшаға қарсы вакцинация тоқтатылады.
Орталық таратылған хабарламалардың шындыққа сәйкес келмейтінін және денсаулық сақтау жүйесіне деген сенімсіздікті қалыптастыруға бағытталған манипуляциялық мазмұн екенін мәлімдейді.
Қазақстанда «сәтсіз инъекциялардан» кейін қызылшаға қарсы вакцинация тоқтатылады.
⚡️Желіде Қазақстанда «сәтсіз инъекциялардан» кейін қызылшаға қарсы вакцинация тоқтатылады деген ақпарат тарауда. Орталық таратылған хабарламалардың шындыққа сәйкес келмейтінін және денсаулық сақтау жүйесіне деген сенімсіздікті қалыптастыруға бағытталған манипуляциялық мазмұн екенін мәлімдейді. ҚР ДСМ Санитариялық-эпидемиологиялық бақылау комитетінің ресми мәліметіне сәйкес, профилактикалық егулердің ұлттық күнтізбесіне сай вакцинация еліміздің барлық өңірлерінде жоспарлы түрде жүргізілуде. Қазіргі уақытта аталған вакцинаны қолдануға байланысты ерекше реакциялар немесе асқынулар тіркелген жоқ. Алдын алу мақсатында 10 жылдан астам уақыт бойы қолданылып келе жатқан қызылша, қызамық және паротитке қарсы біріктірілген вакцина пайдаланылады. Бұл вакцинаның өндірісі Дүниежүзілік денсаулық сақтау ұйымымен сертификатталған, бұл оның халықаралық сапа, тиімділік және қауіпсіздік стандарттарына сәйкестігін растайды. ‼️ Жалған ақпаратқа қарсы іс-қимыл орталығының атап өтуінше, денсаулық сақтау саласына қатысты жалған ақпарат қоғам үшін ерекше қауіп төндіреді. Мұндай ақпарат халық арасында алаңдаушылық туғызып, денсаулық сақтау жүйесіне деген сенімнің төмендеуіне және эпидемиологиялық қауіпсіздікке қатер келтіруі мүмкін. Азаматтарды тек ресми дереккөздерге сүйенуге, сондай-ақ расталған деректер мен бастапқы дереккөздерге сілтемелері жоқ әлеуметтік желілердегі жарияланымдарға сыни көзбен қарауға шақырамыз.
Вакцинация Ұлттық екпе күнтізбесі бойынша жоспарлы түрде жүргізілуде, әдеттен тыс реакциялар мен асқынулар тіркелмеген; хабарламалар денсаулық сақтауға сенімді әлсіретуге бағытталған.