Қысқаша қорытынды
Референдум өткізілетін күні ақпараттық кеңістікте түрлі фейктер, манипуляциялар, арандатушылық сипаттағы жарияланымдар мен бейнематериалдар таралуы мүмкін.
← Барлық теріске шығарулар
Жалған ақпаратқа қарсы іс-қимыл орталығының үндеуі
Орталықтың референдум күнгі ықтимал фейктер туралы үндеуі.
Не таратылды
Материал нақты бір хабарламаға байланысты емес. Тақырыбы: Орталықтың референдум күнгі ықтимал фейктер туралы үндеуі.
Не анықталды
🔈 Жалған ақпаратқа қарсы іс-қимыл орталығының үндеуі
Референдум өткізілетін күні ақпараттық кеңістікте түрлі фейктер, манипуляциялар, арандатушылық сипаттағы жарияланымдар мен бейнематериалдар таралуы мүмкін.
Мұндай ақпараттық шабуылдар көптеген елдерде сайлау және дауыс беру кезінде жиі тіркеледі. Олардың мақсаты — дауыс беру процесіне деген сенімсіздікті ояту және болып жатқан оқиғалар туралы теріс түсінік қалыптастыру.
Ең жиі кездесетін жалған мәліметтер мыналар туралы болуы мүмкін: жекелеген учаскелердің «жабылуы» немесе «ашылмауы»; сиясы өшіп қалатын қаламдар қолданылды, «бақылаушылардың жіберілмеуі» немесе «журналистердің шығарылуы»; «бюллетеньдердің жаппай тасталуы»; «азаматтарды дауыс беруге мәжбүрлеу» немесе «сайлаушыларды ұйымдасқан түрде тасымалдау»; «бюллетень толы қаптар», «алдын ала толтырылған жәшіктер» немесе «бос учаскелер»; «интернеттің бұғатталуы» немесе «электр қуатының өшірілуі».
Бұдан бөлек, әлемдік тәжірибеде кездесетін мынадай ақпараттық арандатулардың болуы ықтимал:
- мемлекеттік органдардың атынан жасалған жалған скриншоттарды, құжаттарды, кестелер мен хабарламаларды тарату;
- арандатушылық сауалнамалар, жалған экзит-полдар және учаскелердегі «төтенше жағдайлар» туралы хабарламалар;
- «Заң бұзушылық дәлелі» ретінде көрсету үшін учаске қызметкерлерімен әдейі ұйымдастырылған қақтығыстар. Мысалы, «дауыс берушілер тізіміне енгізбеу» секілді жағдайлар;
- мессенджерлердегі эмоционалды хабарламалардың жаппай таратылуы, әлеуметтік желілердегі боттар мен пікір жазу толқындары.
Мұндай материалдарда көбінесе ескі бейнероликтер мен фотосуреттер, басқа елдердегі оқиғалар, түсірілген уақыты мен орны белгісіз үзінділер және анонимді аккаунттардың жазбалары пайдаланылады.
Қазіргі технологиялар монтаж немесе өте «шынайы» көрінетін жасанды сурет, аудио және видео контент жасау мүмкіндігі де бар екенін есте сақтаңыз.
⭕️ Расталмаған ақпаратты таратпаңыз! Тек ресми ақпарат көздеріне сүйеніңіз. Күмән тудыратын материалдарды байқасаңыз, Орталықтың чат-ботына (@AntiFakeCenterBot) жолдауыңызды сұраймыз. Сіздің қырағылығыңыз дауыс беру күні тыныш әрі сенімді жағдайды сақтауға көмектеседі.
ТақырыпМемлекеттік институттар
Неліктен бұл түсіндірме
Бұл — Орталықтың ағартушылық немесе талдамалық материалы: ол жекелеген хабарламаны теріске шығармайды, жалған ақпарат пен манипуляция тәсілдерін түсіндіреді.