Мемлекеттік органдар мен ОСК басшыларының бейнесі пайдаланылған жалған мәлімдемелер, баспасөз хабарламалары мен бейнелер толқыны туралы ескерту.
Жалған ақпаратқа қарсы іс-қимыл орталығы әлеуметтік желілерде мемлекеттік органдардың бірінші басшылары мен ҚР ОСК басшылығының бейнелері пайдаланылған жалған мәлімдемелердің, баспасөз хабарламаларының, фото- және бейнематериалдардың мақсатты түрде таратылып жатқанын тіркеуді жалғастыруда.
Материал нақты бір хабарламаға байланысты емес. Тақырыбы: Мемлекеттік органдар мен ОСК басшыларының бейнесі пайдаланылған жалған мәлімдемелер, баспасөз хабарламалары мен бейнелер толқыны туралы ескерту.
⚡️ Жалған ақпаратқа қарсы іс-қимыл орталығы кезекті фейктер толқыны туралы ескертеді.
Жалған ақпаратқа қарсы іс-қимыл орталығы әлеуметтік желілерде мемлекеттік органдардың бірінші басшылары мен ҚР ОСК басшылығының бейнелері пайдаланылған жалған мәлімдемелердің, баспасөз хабарламаларының, фото- және бейнематериалдардың мақсатты түрде таратылып жатқанын тіркеуді жалғастыруда.
Назар аударамыз: сайлау процесіне қатысты барлық ресми ақпарат Қазақстан Республикасы Орталық сайлау комиссиясының ресми ресурстарында (веб-сайтта, Telegram-арнасында) ғана жарияланады.
Бұған дейін Орталық қаскүнемдер кейіннен жалған ақпарат тарату үшін пайдалануы мүмкін жария тұлғалардың бейнелері бар фото- және бейнематериалдардың үлкен көлемін жинақтап жатқаны туралы ескерткен болатын.
Анықталған жалған ақпарат тарату фактілері бойынша Қазақстан Республикасының Бас прокуратурасы тергеп-тексеру жүргізуде. Жалған материалдарды жасау және тарату жағдайларының барлығы құқық қорғау органдарымен тіркелуде.
‼️ Орталық азаматтарды шынайылығы ресми дереккөздер арқылы расталмаған хабарламаларды, аудио- және бейнежазбаларды қайта жібермеуге және жарияламауға шақырады. Құқыққа қайшы контентті жасауға және таратуға қатысы бар тұлғалар анықталып, Қазақстан Республикасының заңнамасына сәйкес жауапкершілікке тартылады.
📌 Ақпаратты тек ресми дереккөздерден алған жағдайда ғана сеніңіз. Фото- және бейнематериалдардың түпнұсқалығын арнайы сервистер арқылы тексеруге болады. Хабарламаны тексеруге жұмсалған бірнеше секунд шынайы емес контенттің таралуына және соған байланысты құқықтық салдарға жол бермеуге мүмкіндік береді.
Бұл — Орталықтың ағартушылық немесе талдамалық материалы: ол жекелеген хабарламаны теріске шығармайды, жалған ақпарат пен манипуляция тәсілдерін түсіндіреді.
Күмән тудыратын материалға тап болдыңыз ба? Жалған ақпаратқа қарсы іс-қимыл орталығына хабарлаңыз.
Форманы толтыру Telegram-ға жазу ↗